वाचायला शिक !

शिक गड्या शिक रं ,वाचायला शिक ,

दिलेलं काम गडया पुरं तू कर ,

पुरं तू कर,पुरं तू कर !

Image Source - Google | Image by - pxhere.com

ज्ञानानं भरलया , जग हे सारं ,

त्यात बुडी मारून ,मोती तू काढ !

नगं नगं म्हणू तू ,कामाला लाग 

कंबर कसून ,काम तू कर रं ,

हयगय नगं करू , नेट तू धरं रं ,

नाही जात यश कुठं , पाठी तुझ्या हाय रं 

वाचनानं होईल ,मन तुझं मोठे ,

कळलं गडया तुला , माणसाची रीत ,

होशील माणूस खरं , माणसास वाच रं 

ज्ञान हे पवित्र गड्या , अमृत हाय रं ,   ‌‌‍‌‌ 

ज्ञानाबिगर नाही , या जगात मान रं ,

वि‌द्धेनेच होशील , मोठा तू जाण रं 

मनन-चिंतन , हवं तेवढं कर रं 

भलतं सलतं विचार ,नको मनात आणू रं 

मन मोठं कर तू , मिळेल सारं रं 

कवी - श्री. सदाशिव गुंडू कुंभार 

‌