परकं नात 

Image Source - Google | Image by - pikist.com

धुळीनं वाऱ्याचे पंख 

एक नातं जोडलं 

पाखरासारखं उडायच्या नादात 

जमिनीशी असलेले अस्तित्वच सोडलं 

वाऱ्याच्या बळावर धुळीला 

आकाश गाठायचं होत 

पावसाच्या सरींना तिला 

पायाखाली तुडवायच होत 

वाटलं पाण्यासारखं वाहणं 

तिच्या जीवनात राहिलं 

गोठलेल्या गारातही 

अर्ध आयुष्य वेचलं 

सरी दवडून गेल्या 

गारा वितळून गेल्या 

जाता जाता धुळीच नात 

जमिनीत जिरवून गेल्या 

   कवी (कमलेश पाडळकर)