भक्तीची भुकेली विठू माऊली, संतावरी मायेची सावली
 |
| Image Source - Google | Image by - clipartstation |
ज्ञान माऊली ज्ञानेश्वरी
ज्ञान सर्व जगाला दिले
भक्तीची दिंडी पताका
आळंदी पंढरपुरी चाले
भक्तीची भुकेली विठू माऊली, संतावरी मायेची सावली||एक||
कृष्ण विष्णूरूपे विठ्ठल
ठेउनी कटेवरी हात
पुंडलिके करती माय पिता सेवा
भक्तीवर त्याने केली मात
भक्तीची भुकेली विठू माऊली, संतावरी मायेची सावली||दोन||
गोरोबाने केली सेवा
पर्वा नाही तान्हुल्याची
तल्लीन होई विठ्ठल भजनी
कुडी आणिली सानुल्याची
भक्तीची भुकेली विठू माऊली, संतावरी मायेची सावली||तीन||
रामकृष्ण दैवत गेले
करुनिया आपुले कार्य
विचलित न होवो मन
द्यावे भक्ती करण्याचे धैर्य
भक्तीची भुकेली विठू माऊली, संतावरी मायेची सावली||चार||
टिप्पणी पोस्ट करा