कातरवेळ
 |
| Image Source - Google | Image by - pikist |
का अशी संध्या होते
या कातरवेळी ती शांत होते
मनात काहूर असा का माजतो
क्षणा क्षणाला कुठवर नेतो
ती संध्या कधी काठावरची
ती संध्या कधी रातराणी पुढची
तीच कधी हातात हात घातलेली
ती कधी उशीत तोंड लपवलेली
चाफ्याच्या पाकळयांखाली सुवासलेली
रातराणीचा सुगंध भरभरून घेतलेली
तासान तास गुजगोष्टी केलेली
मनावरचा ताबा सोडून मन बावरलेली
तीच संध्या कधी त्याची न तिची
दोघांच्या आठवणीने हसलेली कशी
बाहुपाशात अडकून बिलगली अशी
दोन देह एक जीव जशी
Good
उत्तर द्याहटवाटिप्पणी पोस्ट करा