केव्हातरी माणसा 

Image Source - Google | Image by - publicdomainvectors

केव्हातरी माणसा,

हृदय प्रेमाने भरशील का ?

भरून वाहून तर जाणार नाही

याची खबर खेशील का ?

                                   केव्हातरी माणसा,

डोळ्यांची ओंजळ अश्रूंनी भरशील का ?

त्या ओंजळीने अश्रूंचा 

ओलावा गालांना देशील का ?

केव्हातरी माणसा,

भावनांना वाचा फोडशील का ?

तडे तर पडणार नाहीत त्यांना 

याची खबर घेशील का ?

केव्हातरी माणसा

सुखाच्या पारड्यात 

दुःखाची रद्दी तोलणार का ?

तोलता तोलता पारड्याची 

किंमत मोजणार का ?

कवी कमलेश पाडळकर