शोध
आज अचानक निघून गेलीस,
झाला एकांत एकांत
बांधूनी वळकटी मी निघालो,
तुझ्या शोधात शोधात
वणवण फिरलो दारोदारी ,
कुठे ना दिसलीस
हाक मारून कंठ सोकला,
हाक ना दिलीस
वाट पाहूनी डोळे थकले,
झाला अंधकार
शोधितो मी तुझीच मूर्ती ,
सारा अंधार अंधार
 |
| Image Source - Google | Image by - wikimedia |
भटकता भटकता दिसलीस,
डोक्यावर ओझे घेऊन
‘आई’ म्हणूनी हाक मारता ,
स्वप्न गेलं तुटून
कवी - प्रा.सदाशिव गुंडू कुंभार
टिप्पणी पोस्ट करा